لعبه كرسى الاعتراف

حرام يا شاكر
امتي تقول لصديقك انا ندمت اني عرفتك.؟؟؟
وامتي تقوله فينك من زمان؟؟
وامتي تقوله انا بكرهك ؟؟
وايه اكتر حاجه بتكرها في الدنيا ؟؟
ومين اكترانسان بتكرهه؟؟
عمرك وهمت حد انك بتحبه وصحبك اوي بعدين قولتله السكه الي تودي؟؟
اتسببت قبل كده في مشكله بين اتنين صحاب وانت قاصد؟؟

ربنا يسماحكو يارب طيب ليه الاسئله دى يا ندى طيب احنا عارفين شاكر ده الطبيعى بس انا بحبك يا ندى ماشى

معلش بقي بس خدي دول كمان

نرفه عنك شويه بدل اسئلة شاكر البايخه
المهم
1- ايه الاكل الي بتحبيه ؟
2- كنتي جايبه كام في الثانوي ؟
3- دخلتي الكليه دي ليه؟
4- حاسه ان انتي كنت مضطره انك تدخليها؟
5- حسيتي قبل كده انك عايزه تخدي قرار من نفسك بسبب الضغوط من البيت؟.
6-قلت في عقل بالك قبل كده انك نفسك تنتحري؟
7- انك نفسك تتخلصي من بباكي او من ممتك بسب اطاهضهم ليكي؟
8- او عايزه تقتلي اختك لانك حاسه انهم بيحبوها اكتر منك؟
لما افتكر تاني ابا اقولك كفايه دول دلوقتي

1- ايه الحاجه الي تتمني انها تكون في فتي احلامك؟
2- بتتمني صديقت عمرك ازاي؟
3- تحبي تشوفي الدنيا ازاي من نظريه الامل والتاؤل ولا مفيش حاجه ولا فرقه ولا في تفاؤل ولاايه؟
4- تحبي اصحابك كتير ولا اتنين وكفايه؟

ربنا يسمحكم ماشى ماشى

Dr / Emy Hendy كتب:

جالك الموت يا تارك الصلاه. وكويس انى هبقى اول واحده هسالك مع انى اسالتى سهله .بصى يا ست دونا تقدرى تقوللينا كام مره اضطرتيتى تكذبى فيها وايه كان السبب للكذب؟

احم احم ايه الفاضيح دى انا كدبت قبل كده مرة قبل كده خبط كنزى وهى فضلت تعيط وسالونى هى بتعيط ليه قولتلهم مش عارفه باين عليها جعانه

Dr / Emy Hendy كتب:

طيب قوليلى . مين اكتر انسان بتخافى انك تشوفيه ومين اكتر حد بتحبى تشوفيه دايما؟ اظن دى اسئله ساهله اهيه :roll:

اكتر حد بخاف اشوفه دراكولا واكتر حد بحب اشوفه بيتنا كله :D

shaker كتب:

احط انا بقى الاسئلة الصعبة صح
انا هديكى 5 اسئلة فى قمة السهولة حاجات ساهلة خالص
ما هي قمة الذكاء ؟
ما هي قمة الالم ؟
ما هي قمة الادب ؟
ما هي قمة الذهول ؟
ماهو الغباء ؟
حاجة سهلة

قمة الذكاء لما افهم اللى قصادى من غير ميتكلم

قمه الالم احساس لما يضيع حد بتعزه
قمة الادب انك تحترم الكبير

قمه الذهول انك تتصدم فى حد قريب منك

قمه الغباء ان انا بجاوب على الاسئله دى ناوووووووو

shaker كتب:

خدى السؤال دة كمان
اية رايك فى الارتباط.... ؟

مش هقدر اجاوب علشان فاقد الشئ لا يعطيه انا مرتبطش بحد قبل كده علشان اقول رائى

shaker كتب:

استنى انا جبتلك شوية اسئلة كمان عن الحب
لو مجوبتيش عادى بس اولى علشان اعوضهم
اوك

ابدأ

هل الحب بداية أبتسامة أم مقدمة دمعة ؟
هل صحيح أن أحلى ما فى الحب عذابه ؟
هل صحيح أن أحلى ما فى الحب عذابه ؟
هل الحب شك و ثقة أم راحة وتعب ؟
الى أى مدى يمكن كتمان الحب فى القلب ؟
هل يوجد فى هذا الزمن من يخاف الحب ؟
ماذا يعنى الحب بالنسبة لك ؟
أيهما يحب أولا العين و لا الأذن ؟
هل الحب أنتصار للقلب أم هزيمة العقل ؟
متى يمكن أن تكذب مشاعر من يحبك ؟

انا مش هجاوب علشان زى ماانا قولتلك فى السؤال اللى قابله :D

shaker كتب:

ونبى ونبى ونبى ونبى ودة كمان
ماذا ستفعل لو ربحت مليون دولار ؟

مش كنت تخليهم اكتر من كده علشان اعرف اعمل بنك واشغلكم فيه من غير مرتب

هعمل بيهم شويه شوبينج كده والبقاى هرجعهملك

nada كتب:

حرام يا شاكر
امتي تقول لصديقك انا ندمت اني عرفتك.؟؟؟
وامتي تقوله فينك من زمان؟؟
وامتي تقوله انا بكرهك ؟؟
وايه اكتر حاجه بتكرها في الدنيا ؟؟
ومين اكترانسان بتكرهه؟؟
عمرك وهمت حد انك بتحبه وصحبك اوي بعدين قولتله السكه الي تودي؟؟
اتسببت قبل كده في مشكله بين اتنين صحاب وانت قاصد؟؟

اقول لصحبتى انا ندمت انى عرفتك لما تعمل معايا موقف استغربه وتندل معايا وتسبنى فى الوقت اللى انا محتجالها فيه هتصدم فيها اووى وهندم عليها

اقوله فينك من زمان لما اكون بقالى فترة مشفتهاش فيه او حتى بنكلم بعض على التليفون ولا بنسال على بعض

اقوله انا بكرهك متهيالى انى عمرى مهقول لحد انى بكرهه دى صعب انى اقولها بكرهك انا هندم عليها بس ومش هكرها

اكتر حاجه بكرها فى الدنيا هى المذاكرة اوووووووووووووووف

اكتر انسان بكرهه مافيش انا بحب الناس كلها وبعدين لو كرهت حد هكره طبعه مش هو نفسه الطبع بس هو اللى بيتكره

عمرى موهمت حد خالص


اتسببت فى مشكله لاااااااااا خالص عمرى متسسببت فى مشاكل بين اصحابى

shaker كتب:

خدى دول كمان علشان خاطرى مش اكتير اوى بس عاوز اجابات كتير جدا
عندما تحب اكتر من من يحبك ايه هيكون شعورك وممكن تعمل ايه

هل يستطيع العقل ان يقف امام القلب عندما يحب

ليه بعد الانفصال بين الاحبه بنفضل نغير عليهم بجنون حتى لو ارتبطنا بغيرهم

لما تكون بتحب بكل كيانك بس في عقبه في طريق وصولك لحبيبك ومش قادر تروحله ولا يجيلك تفتكرو هتعملو ايه

امتى ممكن تحب بقلبك من غير عقلك

امتى تحب بعقلك بس هو اصلا في حب بالعقل بس

لما يكون حبيبك بيتقل عليك وكمان مشاعره قليل اما يعبرلك بيها رغم ان انت بتحبه بجنون وكمان انت متاكد انه بيحبك هو كمان تعمل ايه علشان رسايل حبك يكون ليها دايما ردود

ايه الاسئله دى شاكر لما اجرب ابقى اسالنى الاسئله دى مش عارفه بجد اسال حد مجرب الاسئله دى بجد ممكن اقول اجابات ممكن معملش بيها اصلا

وبعدين يا شاكر ايه مسورة الاسئله دى انت بتنتقم :evil:

shaker كتب:

اية الموقف اللى انتى حسيتى فية انك ملكيش اى لزمة فى الحياة.....؟

طبعا انا ليه لزمه حد عندو شك بس بجد اكتر موقف حسيت الاحساس ده وانا فى 2 ثانوى كنت وهمه نفسى بمجموع كبير بقى واكون دكتورة زى اخواتى :( وكده اتصدمت صدمه العمر بالمجموع كان مجموع عالى خالص :oops: :oops: حسيت ساعتها انى مليش اى لزمه وكل حاجه راحت