ممكن تسمعوا الحكايه وتساعدونى فى المشكله دى!!!!!!؟؟؟ انا تعبان بجد

فى البدايه مش عارف ابدأ حكايتى واقول ايه؟ المهم"
انا كنت بحب واحده قريبتى من وانا عندى 10 سنين وسابتنى وسافرت بس كنت بعرف اخبارها وهى كانت بتعرف اخبارى من غير حد فينا يعرف ان التانى يعرف عنه حاجه.كنت مشتاقلها جدا.وكنت بسمع عنها اخبارك توجع قلبى جامد وكنت بزعل اوى .اخبار زى ان فيه واحد اتقدملها وكدا.ففضلت كدا 8 سنين لحد مكان عندى 19 سنه.فمره كنت فى شغل ورجعت لقيت اخوها قدامى فاستغربت بس مبينتش على وشى .ففضلت متحير ياترى هي هنا ولا لا ؟.طب هيا فكرانى ولا لا؟.فحسيت ان مخى هيوقف من كتر التفكير.فعدى اول يوم .وتانى يوم.وتالت يوم.وانا مبروحش الشغل ومش راضى اطلع.على قد منا عاوز اطلع واشوفها بس مش قادر خايف اتصدم او اتجرح.ففضلت فى البيت 4 ايام .فجيت باليل خرجت وانا راجع كانت الساعه 2 ونص.لقيت البلكونه نورها قايد فبصيت بصه صغيره لقيتها واقفه فدخلت كانت البلكونه بتاعتى مفتوحه فقفلتها ودخلت.قعدت على الكمبيوتر لغايه الفجر فنزلت صليت الفجر وانا راجع لقيتها واقفه بردو. فطلعت من غير منبصلها. يوميها معرفتش انام .لغايه الصبح كان يوم جمعه ونزلت اصلى .وانا خارج قابلت اخوها فسلمت عليه ووقفت معاه شويه فقالى انا عاوز اعرف ايه اخبارك ففضلت ماشى معاه لغايه باب البيت لقيتها خارجه من الباب .انا مكونتش شايف حاجه قدامى .ومش حاسس بنفسى.امشى ولا اقف؟ اسلم ولا لا؟مش عارف اعمل ايه؟المهم فسلمت عليا .وسبتها فضلت تبص عليا وانا داخل .فدخلت انام وصحيت وقفت فى البلكونه لقيتها واقفه فى البلكونه .اتحرجت ابصلها.فلقيتها بتقولى مش عاوز تبصلى.فلقيت لسانى بيقولها "ازيك عامله ايه .ايه اخبارك ؟وعملتى ايه فى الدراسه وايه الغيبه دى كلها؟"استغربت انا قولت الكلام دا ازاى؟فلقيتها ردت "وحشتك ولا حبيت غيرى؟"انا كنت واقف مش عارف ارد واقول ايه؟###بس المشكله اللى انا عاوز ردكو فيها هى انى فى الفتره اللى هيا كانت بعيده عنى ومكنتش عارف انه هايجى يوم واشوفها تانى .اتعرفت على واحده حبيتها بكل ما فيا وهى كمان حبتنى اكتر من بحبها.وعشت معاها احلى فتره فى حياتى كلها ولغايه دلوقتى ##### فمش عارف اتصرف ازاى انا تعبت جدا من الموضوع ده ..واحد صاحبى قالى شوف قلبك عاوز مين ومين الانسب والاصلح ليك.؟ فقولتله ان مش دى المشكله انا محتار #اول حب &احلى حب؟ انا حكيلتلكو الموضوع ده علشان بجد محتاج حل وهاستنى منكو الحل ؟؟؟؟؟؟؟؟؟؟؟؟؟؟؟؟؟؟؟؟؟؟

اولا اهلا بيك في المنتدي

ومنورنا

بالنسبه للموضوع

الي اناا اعرفه ان الي بيحب حد مبيقدرش يشوف غيره

يعني يقدر يعجب بده وده وده

لكن قلبه بيبقي لواحده وبس

والمفروض انك كنت تحكم قلبك مش عقلك

بس انا رايي انك تخليك مع حبك الاول

لانك زي ما بتقول انه احلي حب

وبردو عن كلامك عنها انها بتحب اوي

يعني مفيش حاجه حصلت تخليك تنهي العلاقه الي بينكوا

لا البنت التانيه دي

تقدر تقول كانت مجرد مرحله في عمرك

وعدت وخلاص

بس رجعت تاني بعد زمن طويل

انت يمكن تكون نسيتها الي حد ما

فحاول تبعد نفسك عن البنت التانيه

وهي اكيد حتفهم انت عاوز تقولها ايه



ينقل للقسم المناسب

وانا برده رأى زى عمرو بالظبط

والحب الاول مش بيتعوض

انا عملت زى انتو مقولتو كدا من زمان واخترت .بس انا دلوقتى حاسس انى عملت ذنب .انى عملت كدا او فضلت واحده عن التانيه .

هههههههههههههههههههههههه ايوه ياعم روميوا يبختك اتنين انت محتار فيهم واحنا هنا مش فاضيين نحب يبختك
عالعموم الاولى او التانيه انت اكيد عندك احساسك هوا الى يمشيك من غير متستشير حد وبعدين صارح التانيه بالموضوع وقولها وهيا لو بتحبك بجد اكيد تتمنالك السعاده وعرف الاتنين على بعض وخليكوا اصحاب وحب واحده تالته عشان مش تجرح حد

على فكره انت مش بتحب اى واحده فيهم انت معجب بكل شخصيه فيهم وبس
والدليل انك مش عارف تحدد مين تختار وحاسس انك فضلت واحده عن التانبه
لانك لو بتحب حد مش هتشوف حد غيره يناسبك ومش هتفضل حد عليه ابدا مهما كانت صفاته
الى انت فيه ده روح الشاب الى بيدور علي اي حد يحبه ويديله كل حبه
والروح دي هي الى اتحركت فيك وخلتك تدي حبك لكل واحده فيهم
الاولي كنت لسه في بدايه فتره الشباب وقلبك مهيأ لحب اي حد يقابله
والتانيه كانت تعويض لفتره محبتش فيها
ياريت تفكر في كلامى كويس
وتحدد موفك كويس وانت هتعرف تتصرف صح
واتمنا انك تترتاح من الحيره الى انت فيها

شكرا اوووووووووووووى يا جماعه وتعبتكوا معايا .والافضل انى افكر فى مستقبلى .بلا حب بلا نيله

يا راجل



طب مش كنت تقول كده من الاول


منور المنتدي يا جميل

انا برئي الي يحب ميشووووووووووف غير حبيبه

وانا مثل رائي stivano

من غير زعل دى مراهقة متأخرة شوية